२६ चैत २०१३, काठमाडौं
नेपाल ओलम्पिक कमिटीका अध्यक्ष तथा प्रतिनिधि सभा सदस्य जीवन राम श्रेष्ठले अन्तर्राष्ट्रिय ओलम्पिक कमिटीले आयोजन गर्न गई रहेको नवौं ईन्टरनेशनल एथलेट्स फोरममा सहभागीता जनाउने ओलम्पियनहरु दिपक विष्ट र स्नेह राज्य लक्ष्मी राणालाई विदाई गरेका छन् ।
उक्त फोरम यही अप्रिल १३ देखी १७ सम्म अन्तर्राष्ट्रिय ओलम्पिक कमिटीको प्रधान कार्यालय स्वीट्जरलैण्डको लुसान शहरमा हुदैछ, जसमा राणाले नेपाल ओलम्पिक कमिटीको तर्फबाट प्रतिनिधित्व गर्नेछन् भने विष्टले ईण्टरनेशनल एथलेट्स फोरम अन्र्तगत ओलम्पियन फोरममा सहभागिता जनाउनेछन् ।
विदाईमा अध्यक्ष श्रेष्ठले ओलम्पिक मुभमेण्ट्स र ओलम्यिनको महत्व बारे प्रकाश पारे र सकरात्मक सोचका साथ सहभागी भएर लगनसिलता सहित गतिविधिहरु सिक्न र त्यसलाई नेपालको परिवेशमा लागु गर्न अनुरोध गरे ।
कार्यक्रममा मेडिकल कमिशनका अध्यक्ष डा. सरोज कृष्ण श्रेष्ठ, ओलम्पियन उमेश मास्के र नेपाल राष्ट्रिय तथा अन्तर्राष्ट्रिय खेलाडी संघका अध्यक्ष दिपक श्रेष्ठकोे समेत उपस्थिती रहेको थियो ।
