लण्डनबाट फर्किए अनमोल, भन्छन् सुहानालाई धेरै मिस गरे (भिडियो)

२७ चैत्र २०७५, काठमाडौँ

नायक अनमोल केसी केहीदिन अघिमात्र चलचित्र क्याप्टेन को प्रदर्शनको लागि यूके गएका थिए । उनी हिजोराति मात्र लण्डनबाट नेपाल फर्किएका छन् । उनले लण्डनमा क्याप्टेन को प्रदर्शन निकै राम्रो भएको र दर्शकले क्याप्टेन लाई अत्यन्तै रुचाउनु भएको बताए ।

मध्यरातमा नेपाल फर्किएका अनमोलले लण्डनमा पनि नेपाली चलचित्रलाई माया गर्ने फ्यानहरु धेरै हुनु भएकाले धेरै खुसी लागेको बताए । साथै यहि चैत्र २९ बाट उनको नयाँ चलचित्र ए मेरो हजुर ३ प्रदर्शनमा आउँदै छ । चलचित्र प्रमोशनको समयमा उनी लण्डन  गएपछि धेरैले उनले सुहानालाई एक्लै छोडेर लण्डन गएको बताएका थिए । त्यस्तै अनमोलले पनि आफूले सुहानालाई धेरै मिस गरेको बताए ।