०२ बैशाख २०७६, काठमाडौं
फ्रेन्च लिग वानमा पीएसजी लिलेसँग ५–१ ले पराजित भएपछि एमबाप्पेले आफुहरुले केटाकेटीजस्तै खेलेको बताएका छन् ।
लिलेको घरमा भएको खेलमा पिएसजी खेलको ३६औं मिनेटमा १० खेलाडीमा सीमित भएको थियो ।
पिएसीलाई नमिठो गरी हार चखाउनेक्रममा घरेलु टोली लिलेका लागि ४ जना फरक–फरक खेलाडीले गोल गरे भने १ गोल उपहारमा पायो ।
अब यो जितपछि लिलेले शीर्ष स्थानको पिएसजीसँगको दूरीसमेत कम गरेको छ । जहाँ लिलेको खातामा ३२ खेलबाट ६४ अंक छ भने पिएसजीको खातामा ८१ अंक छ । तर, उसले एक खेल कम खेलेको छ ।
हारबाट स्तब्ध हुँदै एमबाप्पले भने–“हामीले केटाकेटीजस्तो खेल्यौं ।”
लिलेसँग नमिठो हार भोगेपछि पिएसजीका युवा फरवार्ड केलियन एमबाप्पेले आत्मआलोचना गर्दै प्रतिक्रिया दिएका छन् ।
उनले आफूहरूले च्याम्पियन हुन्छु भन्दै केटाकेटीले खेलेजस्तो फुटबल खेलेको बताए ।
“यस्तो नतिजा बिलकुलै स्वीकार्य हुँदैन । आज हामीले केटाकेटी वा सिकारुले खेलेजस्तै खेल्यौं, ।” उनले भने ।
