१० बैशाख २०७६, काठमाडौं
भारतको तल्लो सदन लोकसभाका लागि तेस्रो चरणको मतदान सुरु भएको छ ।
भारतीय निर्वाचन आयोगका अनुसार १४ राज्य र एउटा केन्द्र शासित प्रान्त गरी ११६ स्थानका लागि मतदान सुरु भएको हो ।
आज गुजरातका २६, केरलाका २०, असमका ४, बिहारका ५, छत्तीसगढका ११, कर्नाटक र महाराष्ट्रका १४/१४, उडिसाका ६, उत्तर प्रदेशका १०, पश्चिम बंगालका ५ र गोवाका २ स्थानमा मतदान हुँदै छन् ।
त्यसैगरी दादरा, नगर हवेली, दामन, डिउ तथा त्रिपुराका १/१ स्थानमा मतदान हुने छ ।
आज करिब १८ करोड ५६ लाख मतदाताले २ लाख १० हजार मतदान केन्द्रमा मतदान गर्दैछन् ।
भारतमा ११ अप्रिलमा पहिलो चरणको र १८ अप्रिलमा दोस्रो चरणको निर्वाचन भएको थियो ।
सात चरणको चुनाव सम्पन्न भएपछि मे २३ मा मतगणना हुनेछ ।
