अझै ३ वर्ष मलाई बार्सिलोनाले ने राखोस् भन्ने चाहन्छु : इभान

१६ बैशाख २०७६, काठमाडौं

बार्सिलोनाका मिडफिल्डर इभान राकिटिकले आफुले बार्सिलोनालाई छोडेर कुनै क्लबमा अनुबन्ध हुन नसक्ने बताएका छन् ।

“म अहिले अरु कुनै क्लबमा जान चाहन्न, म आशा गर्छु कि, क्लबका अध्यक्ष र सबै समर्थकहरुहरुले यस्तै चाहिरहुन् ।”उनले भने । “म कम्तीमा अझै ३ बर्ष बार्सिलोनामा नै बिताउन चाहन्छु, फुटबलमा जे पनि हुन्छ तर मलाई विश्वास छ कि मैले बार्सिलोनाबाट नै खेल्न पाउनेछु ।”

बार्सिलोना युवा खेलाडीहरुलाई स्थान दिने योजनामा रहेको कारण क्लबमा उनको भविष्य बारे चर्चा हुने गरेको छ ।

राम्रो प्रस्ताव आएको खण्डमा बार्सिलोना राकिटिकलाई बेच्ने योजनामा रहेको छ । तर उनी भने कम्तीमा अझै ३ बर्ष बार्सिलोनाबाटै खेल्न चाहन्छन् ।

म्यानचेष्टर यूनाईटेड, युभेन्ट्स र ईन्टर मिलान जस्ता क्लबहरुले राकिटिकलाई भित्र्याउने योजना बनाईरहेका छन् ।