१७ बैशाख २०७६, काठमाडौं
मदन भण्डारी स्पोर्ट्स एकेडेमीद्वारा आयोजित खुल्ला राष्ट्रिय बास्केटबल प्रतियोगिता काठमाडौंमा संचालन भईरहेको छ ।
प्रतियोगिताको लिग चरणको अन्तिम ४ खेलमा पहिलो खेल गोल्डेनगेट र अस्कल कलेज विचको प्रतिस्पर्धामा गोल्डेनगेट बिजयी भयो । शंकरदेब कलेज र न्याथम (ख) विचको खेलमा शंकरदेब बिजयी भएको छ ।
जारी प्रतियोगितामा क्वाटर फाइनलका खेलहरु आज हुनेछन् भने भोली १८ गते सेमिफाइनल र १९ गते फाइनल खेल हुने आयोजकले जनाएको छ ।
उपप्रधान एवं रक्षामन्त्री ईश्वर पोखरेलको प्रमुख आतिथ्यतामा एक भब्य कार्यक्रम बिच १९ गते बिजयी टिमहरुलाई पुरस्कार बितरण गर्ने कार्यक्रम रहेको छ ।
प्रतियोगितामा प्रथम हुनेले ट्रफी प्रमाण पत्र सहित नगद रु. १,११,०००।– तथा द्वितीय हुनले नगद रु. ५५,५००।– प्राप्त गर्ने आयोजक कमिटीका सचिव संजय दुवाडीले परिवर्तन खबरलाई बताए ।
