१९ बैशाख २०७६, काठमाडौं
विश्व फुटबलका खेलाडी तथा बार्सिलोनाका स्टार लियोनल मेस्सीले बार्सिलोनाका लागि ६०० गोलको कोशेढुङ्गा पार गरेका छन् ।
३१ वर्षीय मेस्सीले बुधबार लिभरपुलविरुद्ध भएको खेलमा दुई गोल गर्दै ६०० औं गोलको कोशेढुङ्गा पार गरेका हुन् ।
युरोपियन च्याम्पियन्स लिगअन्तर्गत सेमिफाइनलको पहिलो लिगमा बार्सिलोनालाई ३–० गोल अन्तरको जित दिलाउँदा मेस्सीले दुई गोल गरेका थिए ।
उनले १५ वर्षको अवधिमा बार्सिलोनाका लागि ६०० गोल गरे ।
उनी बार्सिलोनाका लागि सबैभन्दा बढी उपाधि जित्ने खेलाडी समेत हुन् ।
