१९ बैशाख २०७६, काठमाडौं
साता ब्यापी रुपमा संचालन भएको मदन भण्डारी स्पोर्ट्स एकेडेमीद्वारा आयोजित खुल्ला राष्ट्रिय बास्केटबल प्रतियोगिताको उपाधि शंकरदेव क्याम्पसले चुमेको छ ।
आज भएको फाइनल खेलमा शंकरदेबले र जेभियर्स इ लाई ६१–५५ ले पराजित गरी उपाधि हासिल गरेको हो । प्रतियोगितामा विजेता बन्न सफल शंकरदेव क्याम्पसले नगद रु. १,११,०००।– सहित मेडल, प्रमाणपत्र र शिल्ड प्राप्त गरेको छ भने उपविजेता जेभियर्स इ ले नगद रु.५५,५००।– सहित मेडल र प्रमाण पत्र प्राप्त गरेको छ ।
बिजेता, उपबिजेताका खेलाडी तथा टिम म्यानेजर लगायतलाई अस्कल क्याम्पसमा एक भब्य कार्यक्रम गरी पुरस्कार बितरण तथा सम्मान गरिएको थियो ।
प्रतियोगिताका सबै अफिसियल टिम (रेफ्री), स्पोन्सर, स्वयंसेवकहरुलाई प्रमाणपत्र सहित मायाको चिनो प्रदान गर्नुका साथै धन्यवाद ज्ञपान गरिएको आयोजक कमिटीका सचिव एवं कार्यक्रम संचालक सन्जय दुवाडीले परिवर्तन खबरलाई बताए ।
