२६ बैशाख २०७६, काठमाडौं
बूढानीलकण्ठ नगरपालिकाको सार्वजनिक जग्गा संरक्षण गर्ने नीति अनुसार बूढानीलकण्ठ नगरपालिका वडा नं. ११ ले कपनटार जङ्गलादेवी मन्दिर छेउको सार्वजनिक जग्गाबाट संरक्षण अभियान शुरुवात गरेको छ ।
बूनपा वडा नं. ११ का वडाध्यक्ष राजु अधिकारी, वडा सदस्य भगवति निरौला र विनोद कुमार तमाङ, जङ्गलादेवी सार्वजनिक जग्गा संरक्षण समिती र टोलवासीहरुको विशेष सक्रियतामा सार्वजनिक जग्गा संरक्षण शुरु गरेको हो ।
वडाध्यक्ष अधिकारीले सरकारी तथा सार्वजनिक जग्गाको अतिक्रमण दिनानु दिन बढ्दै गएका कारण त्यसलाई ख्याल गर्दै वडा भित्रका जग्गा संरक्षण तर्फ लागेको बताए । सरकारी तथा सार्वजनिक जग्गा अतिक्रमण रोक्नुपर्ने दायित्वबाट सरकार पन्छिन नमिल्ने धारणा समेत वडाध्यक्ष अधिकारी स्पष्ट पारे ।
सार्वजनिक जग्गा जोसुकैले मिचेको भएपनि त्यस्ता सार्वजनिक जग्गालाई संरक्षण गर्नु पर्नेमा वडा सदस्यहरुको समेत जोड रहेको छ ।
