पहिलो पटक चलचित्र ‘घामट शेरे’ मा देखिदैँ निश्चल र स्वस्तिमा, यस्तो छ लुक्स

२६ बैशाख २०७६, काठमाडौँ

यतिबेला नायिका स्वस्तिमा खड्का र निर्देशक निश्चल बस्नेत चलचित्र घामट शेरे को छायांकनमा व्यस्त छन् । यो निश्चल र स्वस्तिमाले खेलेको पहिलो चलचित्र हो । रियल लाइफ कपल निश्चल र स्वस्तिमाले एकसाथ केही म्यूजिक भिडियोमा काम गरिसकेका छन् । तर चलचित्रमा भने यो जोडी पहिलो पटक देखिन लागेको हो ।

चलचित्र घामट शेरे मा निश्चल र स्वस्तिमा कपलको रुपमा नै देखिएका छन् । यतिबेला सुर्खेतमा चलचित्र घामट शेरे को धमाधम छायांकन भैरहेको छ । नायिका स्वस्तिमा सामाजिक सञ्जालमा निश्चल र आफ्नो एक तस्बिर सार्वजनिक गर्दै चलचित्रबारे जानकारी दिएकी छिन् । रियल लाइफमा धेरैको आइडल समेत रहेका निश्चल र स्वस्तिमालाई चलचित्रमा भने दर्शकले कत्तिको साथ दिने हुन् हेर्न बाकिँ नै छ ।