२९ बैशाख २०७६, काठमाडौं
ईङ्लिस प्रिमियर लिग फुटबलको उपाधी छिनोफानोसहित जारी सिजनको अन्तिम चरणका खेल आज हुँदैछन् ।
लिगका दशवटै खेल राति पौने ८ बजेदेखि सुरु हुनेछ ।
प्रिमियर लिगमा सन् २०११/१२ को सिजनपछि पहिलोपल्ट उपाधी छिनोफानो अन्तिम खेलबाट हुन लागेको छ ।
आजको खेलमा साविक विजेता म्यानचेष्टर सिटी र लिभरपुल छन् ।
दौडमा सिटी एक कदम अगाडि छ भने गत साता बार्सिलोनालाई हराउँदै च्याम्पियन्स लिगको फाइनलमा पुगेको लिभरपुलले पछ्याइरहेको छ ।
लिगका ३७ खेलमा सिटीको ९५ र लिभरपुलको ९४ अंक छ ।
सिटीले ३१ खेलमा जित निकालेको छ भने २ खेल बराबरी खेलेको छ । लिभरपुलले ३७ खेलमा २९ जित, ७ बराबरी र एउटामात्र हार ब्यहोरेको छ ।
