३१ बैशाख २०७६, काठमाडौं
बङ्गलादेश पेसापालो संघको आयोजनामा आगामी जेठ दुई गतेदेखि छ गतेसम्म हुने प्रथम एसियाली पेशापालो च्याम्पियनशिपमा नेपाली खेलाडीहरु सहभागी हुने जानकारी दिदैं नेपाल पेसापालो संघ, काठमाडौंको प्रेस विज्ञप्ती जारी गरेको छ ।
पेसापालो संघद्वारा जारी विज्ञप्ती :
जारी विज्ञप्तीमा ११ अफिसियल र १० खेलाडीहरु सहभागी हुने बताईएको छ । खेलमा सहभागी हुने खेलाडीहरुलाई झापा जिल्ला पेसापालो संघको प्रायोजनमा मेची नगरपालिका वडा नं. ४ स्थित पशुपति मा.वि. आमडाँगीको खेल मैदानमा राष्ट्रिय प्रशिक्षक विधान पोख्रेलको नेतृत्वमा प्रशिक्षित गराईएको थियो ।
प्रथम पटक सहभागी हुने प्रतियोगितामा नेपाली खेलाडीहरुले पदक जित्ने अपेक्षा संघका अध्यक्ष पारसमणि दाहालले गरेका छन् ।
