०३ जेष्ठ २०७६, काठमाडौं
विश्व फुटबलका खेलाडी तथा बार्सिलोनाका कप्तान लियोनल मेस्सीलाई प्रतिष्ठित अवार्ड प्रदान गरिएको छ ।
मेस्सीलाई स्पेनको एक स्वायत्त क्षेत्र (राज्य)का रूपमा मान्यताप्राप्त क्याटलान सरकारले ‘क्रेउ डे सान्ट जोर्डी–२०१९’ अवार्डद्वारा सम्मानित गरेको हो ।
यो अवार्ड केही समयअघि मात्रै जनमतसंग्रहबाट अलग राज्यका रूपमा स्थापित क्याटलान सरकारले प्रदान गरेको हो ।
यससँगै यो अवार्ड पाउने मेस्सी दोस्रो फुटबलर बनेका छन् ।
यसअघि यो अवार्ड सन् २००६ मा फुटबल जोन क्रुइजफलाई पनि प्रदान गरिएको थियो ।
यो अवार्ड ‘क्याटलान अवार्ड’का नामले पनि परिचित छ ।
