०५ जेष्ठ २०७६, काठमाडौं
ईङग्ल्याण्डका ओपनिङ ब्याट्सम्यान जासन रोए बिहीबार रातभरी निदाउन सकेनन् ।
भर्खरै जन्मेकी छोरीको स्वास्थ्यमा समस्या देखिएपछि अस्पताल पुगेका उनी रातभरी निदाएका थिएनन् ।
रातभरी ननिदाएका उनको शुक्रबार भने पाकिस्तानसँग खेल हुँदै थियो ।
तर, उनले पाकिस्तानविरुद्ध शतक नै प्रहार गरे ।
पाकिस्तानविरुद्ध उनले ११४ रन बनाएपछि ईङग्ल्याण्डले खेल जित्यो ।
उनको यो आठौं एकदिवसीय शतक हो ।
“विहान राम्रो अवस्थामा थिएन, तर पनि राम्रो खेल्न सकें । यो शतक मेरो र मेरो परिवारका लागि विशेष रह्यो ।” उनले भने ।
आठौं शतक प्रहार गरेपछि रोएले अनिँदोका वाबजुद राम्रो खेल्न सकेको बताएका छन् ।
