०७ जेठ २०७६, काठमाडौं
गुगलले विश्वकै सबैभन्दा दोश्रो ठूलो स्मार्टफोन निर्माण कम्पनी हुवावेको एन्ड्रोइड अपरेटिंग सिस्टमका केही अपडेट रोक्ने निर्णय गरेको छ । यस कदमबाट चिनियाँ कम्पनी हुवावेलाई ठूलो धक्का पुग्ने भएको छ ।
नयाँ डिजाइनका हुवावे स्मार्ट फोनहरुले अब केहि गूगल एप्स सम्म पहुँच नपुग्ने भएको छ । अमेरिकी राष्ट्रपति डोनाल्ड ट्रम्पको सरकारले हालै बिना अनुमतिका कुनै पनि कम्पनीसंग अमेरिकाले व्यापार व्यवशाय गर्न नसक्ने भन्दै हुवावे लगायतका अन्य कम्पनीहरुको नाम सुचि प्रकासित गरेको थियो । गूगलले भने आफुले निर्देशनअनुसार काम गरेको र यसको असरबारे पुनरावलोकन गरिरहेको जनाएको छ ।
हुवावेले पनि आफूले सेक्युरिटी अपडेट पठाउने काम जारी राख्ने तथा हालसम्म विश्वभरि बिक्री भइसकेका वा अझै स्टकमा रहेका स्मार्ट फोन र ट्यावलेट उत्पादनलाई सम्मान गर्दै बिक्रि सेवा पनि सुचारु राख्ने जनाएको छ ।
