१२ जेठ २०७६, काठमाडौँ
सलमान खान र कट्रिना कैफ बलिउडका निकै चर्चित जोडी हुन् । यी दुई रियलका नभएर रिलका चर्चित जोडी हुन् । यतिबेला सलमान र कट्रिना चलचित्र भारत को प्रमोशनमा व्यस्त छन् । चलचित्र भारत जुन ५ बाट प्रदर्शनमा आउँदै छ ।
चलचित्रको प्रमोशनको क्रममा सलमानलाई उनको विवाहबारे प्रश्न सोधिएको थियो । जहाँ सलमान सदा झैँ चुप नै रहे । उनी आफ्नो निजी जीवनको विषयमा मिडियामा बोल्न त्यति रुचाउँदैनन् ।
सलमानले रियलमा नभएपनि चलचित्र भारत मा भने कट्रिनासँग विवाह गर्नेछन् । यो कुराको जानकारी चलचित्र भारत का निर्देशकले दिएका छन् । उनले सामाजिक सञ्जालमा एक भिडियो सार्वजनिक गरेका छन् । जहाँ कट्रिनाले सलमानलाई विवाहको प्रस्ताव राखेकी छिन् । उक्त भिडियो चलचित्र भारत को हो । जुन यतिबेला सामाजिक सञ्जालमा निकै भाइरल पनि भैरहेको छ ।
The proposal ….@Bharat_TheFilm pic.twitter.com/1BCvPSirUe
— ali abbas zafar (@aliabbaszafar) May 24, 2019
