१२ जेठ २०७६, काठमाडौँ
तेरिया मगरलाई नचिन्ने सायद कोही छैनन् होला । सानो उमेरमा नै उनले नाचेर नै आफूलाई र आफ्नो देशलाई विश्वभर चिनाएकी छिन् । उनी मुम्बईमा बस्दै आएकी छिन् । अहिले भने तेरिया नेपाल आएकी छिन् ।
उनी जति राम्रो नाच्छिन् त्यति नै मिठो गीत पनि गाउँछिन् । तेरियाले नेपाल आएर एक गीत पनि रेकर्ड गराइन् । उनले सुपरहिट गीत तिम्रो मायाले बाधेर राख लाई कभर गरेकी हुन् ।
उनले गाएको गीतलाई दर्शकले निकै नै रुचाएका छन् । अधिकांशले उनको आवाजको मुक्तकण्ठले प्रशंसा गरेका छन् । त्यसैले पनि उनको गीतले अहिले सामाजिक सञ्जालमा तहल्का मच्चाइरहेको छ । तेरियाको गीतलाई छोटो समयमा नै युट्युबमा लाखौँ भ्यूज पुगेको छ । तेरियाले आफ्नो गीतलाई रुचाइदिएकोमा सबैलाई धन्यवाद समेत दिएकी छिन् ।
