१८ जेठ २०७६, काठमाडौँ
यतिबेला भारतको चर्चित रियालिटी शो सारेगमपा लिटल च्याम्प मा नेपालका २ छोरा आयुष केसी र प्रितम आचार्यले तहल्का मच्चाइरहेका छन् । विभिन्न चरणहरु पार गर्दै अन्तत आयुष र प्रितम अब सेमिफाइनलका लागि भिड्दैछन् ।
अब प्रशारण गरिने एपिसोडमा आयुष र प्रितमको धमाकेदार प्रस्तुती देख्न सकिन्छ । आयुषले अब आउने हप्ता दिने प्रस्तुतीको प्रोमो सार्वजनिक भैसकेको छ । आयुषले निकै नै राम्रो प्रस्तुती दिएको प्रोमोमा देख्न सकिन्छ । उनको प्रस्तुतीले जजको मन यति छुन्छ कि सबैले उनको लागि उठर ताली बजाउँछन् भने जुरीहरुले उनलाई बोकेर उनको सम्मान गर्छन् ।
सुरुवात देखि नै आयुषले आफ्नो दमदार प्रस्तुतीले दर्शक र जजको मन जित्दै आएका छन् । आयुष र प्रितम सारेगमपा को यो स्थानसम्म आइपुग्नु नै नेपालीको लागि गर्वको कुरा हो । अब यी बालक फाइनलमा पुग्छन् वा पुग्दैनन् त्यो भने आज र भोलि प्रशारण गरिने एपिसोडबाट नै थाहा हुनेछ ।
