बलिउडकी चर्चित नायिका सन्नी लियोनीले आइटम डान्स गरेको नेपाली गीत जेठ २० गते सार्वजनिक हुने

१८ जेठ २०७६, काठमाडौँ

सन्नी लियोनी बलिउडकी निकै चर्चित नायिका हुन् । उनले आइटम गर्लको रुपमा पनि बलिउडमा आफूलाई स्थापित गरिसकेकी छिन् । सन्नी लियोनीलाई मन पराउने दर्शक निकै रहेका छन् । त्यसैले उनी बलिउडमा मात्र नभएर नेपालमा पनि उत्तिकै लोकप्रिय छिन् ।

सन्नी लियोनीले एक नेपाली चलचित्रको गीतमा आइटम डान्स गरेकी छिन् । उनले भदौ २७ बाट अल नेपाल रिलिज हुने चलचित्र पासवर्डको एक आइटम गीतमा डान्स गरेकी छिन् । उक्त गीतले आफ्नो रिलिज डेट सार्वजनिक गरेको छ ।

सन्नी लियोनीले आइटम डान्स गरेको नेपाली गीत यहि जेठ २० गते रिलिज हुँदैछ । सन्नीले नेपाली गीतमा लगाएको ठुक्का हेर्नको लागि दर्शक निकै आतुर पनि रहेका छन् । उनले  उक्त गीतका लागि निकै महंगो पारिश्रमिक बुझेकी छिन् ।