के अनमोल र सुहाना बन्लान् त झरनाको ‘भागवत गीता’ ?

१८ जेठ २०७६, काठमाडौँ

यतिबेला झरना थापा र सुहाना थापा चलचित्र ए मेरो हजुर ३ को विशेष शो का लागि यूके पुगेका छन् । उनीहरुसँग अनमोल भने जान सकेनन् । अनमोल अहिले रेस्टमा छन् । यस्तै झरनाले केही समय अगाडी अब आफूले फेरि सुहाना र अनमोललाई लिएर चलचित्र भागवत गीता बनाउन लागेको जानकारी दिएकी थिइन् ।

उनलाई सबैले भागवत गीता भन्दा अगाडी ए मेरो हजुर ४ बनाउनलाई सल्लाह दिइरहेका छन् । त्यसैले झरना अहिले अन्योलमा छिन् । तर उनले आफूलाई अनमोलसँग फेरि एकपटक सहकार्य गर्न भने रहर भएको बताएकी छिन् । यस्तै दर्शकले पनि अनमोल र सुहानाको केमेष्ट्रिलाई निकै नै रुचाएका छन् । त्यसैले पनि दर्शक एकपटक फेरि अनमोल र सुहानालाई चलचित्रम सँगै हेर्न चाहन्छन् ।

अनमोलले भने आफूले भागवत गीता गर्ने वा नगर्ने फिक्स नभएको बताएका छन् । उनले पनि आफूलाई भागवत गीता गर्न मन भने भएको बताएका छन् । के झरनाका भागवत र गीता बन्लान् त अनमोल र सुहाना ? कि झरनाले ए मेरो हजुर ४ पहिले बनाउने छिन् । यसको लागि भने प्रतिक्षा गर्नैपर्छ ।