१८ जेठ २०७६, काठमाडौँ
पछिल्लो समयमा गलबन्दी बोलको गीतले तहल्का मच्चाइरहेको छ । केहीदिन अघिमात्र युट्युबमा सार्वजनिक गरिएको गीतले निकै छोटो समयमा दर्शकको अत्याधिक माया पाउन सफल भएको छ ।
आज भन्दा एक बर्ष अगाडी रिलिज भएको निकै चर्चित बोल माया गीतको टिमले नै गलबन्दी निकालेको हो । बोल माया लाई जस्तै गलबन्दीलाई पनि दर्शकले माया दिइरहेका छन् । आजभोली जताततै यहि गीत सुनिने गरेको छ ।
प्रकाश सपूतको शब्द र संगीत रहेको गीतमा प्रकाश सपूत र शान्ति श्री परियारको आवाज रहेको छ । गीतको भिडियोमा बोल माया का मुख्य कलाकार प्रकाश सपूत र अञ्जली अधिकारी फिचर्ड छन् । प्रकाशले गलबन्दी लाई बोल माया को अगाडीको स्टोरी भएको बताएका छन् ।
अन्ततः यो गीत युट्युब ट्रेन्डिङको पहिलो स्थानमा आउन सफल भएको छ । यो समाचार लेखिरहँदा यो गीतलाई युट्युबमा ४८ लाख ६१ हजार ५ सय ९५ ले हेरेका छन् । गीतलाई लगभग २ लाख लाइक मिलेको छ भने ६ हजार डिसलाइक मिलेको छ । गीतमा लगभग १८ हजारले कमेन्ट गरेका छन् । यो निकै नै राम्रो कुरा हो । आजभोली दर्शकले लोकगीतलाई पनि उत्तिकै माया गर्न थालेका छन् ।
