१९ जेठ २०७६, काठमाडौँ
यतिबेला नायक प्रदिप खड्का चलचित्र प्रेमगीत ३ को काममा व्यस्त छन् । यतिबेला चलचित्र प्रेमगीत ३ को लागि नायिकाहरुको खोजी भैरहेको छ । २ हजार युवतीले चलचित्र प्रेमगीत ३ की नायिका बन्नको लागि आवेदन दिएका थिए ।
जसमध्येबाट २५ जना छनौट भएका छन् । ती २५ युवतीमध्ये को प्रदिपकी नायिका बन्ने हुन् त्यो भने हेर्न बाकिँ नै छ । तर अडिसन दिएकी युवतीमध्ये लोकदोहोरी क्षेत्रकी चर्चित मोडल अञ्जली अधिकारी पनि परेकी हुनाले धेरैले उनी नै प्रदिपकी नायिका बन्न सक्ने अनुमान लगाएका छन् ।
अझ भित्र भित्रै अञ्जली नै चलचित्रमा फाइनल भएको हल्ला चलिरहँदा अभिनेता प्रदिप खड्कालाई पनि यस विषयमाा प्रश्न गरिएको थियो । यसमा प्रदिपले हिरोइन छनौटको काम भोलिबाट हुने र आफू भने त्यसमा सहभागी नहुने बताएका छन् । प्रदिपले आफूले अञ्जलीको अन्तवार्ता र गीतहरु हेरेको र उनी एउटा राम्रो कलाकार भएको बताएका छन् । तर उनले चलचित्रमा अञ्जली हुने वा नहुने कुरामा चाहिँ आफू अनविज्ञ भएको बताएका छन् ।
