‘गलबन्दी’ हिट भएपछि प्रकाश सपूत पहिलोपटक मिडियामा, ‘गलबन्दी’ हिट हुनुमा श्रीमतीको ठूलो हात ! (भिडियो)

१९ जेठ २०७६, काठमाडौँ

प्रकाश सपूत पछिल्लो समयका निकै चर्चित र व्यस्त गायक हुन् । यतिबेला उनको गलबन्दी बोलको गीतले बजार नै तताइरहेको छ । जताततै आजभोली यहि गीत मात्र घन्किएको सुन्न सकिन्छ ।

यस्तै गलबन्दी गीत अहिले युट्युबको ट्रेन्डिङको पहिलो स्थानमा छ । गीत हिट भएपछि प्रकाश सपूत पहिलो पटक मिडियामा आएका छन् । उनी गलबन्दी रिलिज लगत्तै बाहिर गएकाले गीतबारे अपडेट हुन सकेका थिएनन् । अहिले उनी काठमाडौँ फर्किसकेका छन् । उनले मिडियामा आएर सबैलाई आफ्नो गीत मन पराइदिन भएकोमा धन्यवाद समेत भनेका छन् ।

प्रकाशले यो गीत आफ्नो टिमको कारण मात्र नभएर मिडिया साथीहरु र दर्शकका कारणले धेरै हिट भएको बताएका छन् । प्रकाशले आफ्नो गीत सफल हुुनुमा आफ्नी जीवन संगीनी विन्दुलाई पनि निकै धन्यवाद दिएका छन् । उनले आफूलाई हरेक पटक श्रीमतीले गीत सिर्जना गर्न मदत गर्ने गरेको बताएका छन् । प्रकाशलाई चलचित्रबाट पनि अफर आइरहेको छ । तर उनले अहिले नै आफू चलचित्रका लागि भने तयार नभएको बताएका छन् ।