२० जेष्ठ २०७६, काठमाडौं
चिनीयाँ शिक्षा मन्त्रालयले अमेरिकामा अध्ययन गर्ने आफ्नो नागरिकलाई सचेत रहन आग्रह गरेको छ ।
सोमबार चीनले अमेरिकामा अध्ययन गर्न चाहाने आफ्ना नागरिकलाई केन्द्रीत गरेका सूचना जारी गरेको हो ।
‘अमेरिका जान चाहने चिनीयाँ विद्यार्थीहरुले केही समययता भिसा प्रतिबन्धको समस्या भोगिरहेका छन्, छोटो समयका लागि भिसा वैधता र भिसा अस्वीकृतिको समस्या पनि बढ्दो छ ।’, विज्ञप्तीमा भनिएको छ ।
यस्ता घटनाले अमेरिकामा चिनीयाँ विद्यार्थीले सफल अध्ययन गर्न नसक्ने मन्त्रालयको बुझाई छ ।
हालसालै अमेरिकाले अमेरिका आउन चाहनेले ५ वर्षयताको सामाजिक संजाल विवरण बुझाउनुपर्ने नियम लागू गरेको छ ।
