२१ जेठ २०७६, काठमाडौँ
यतिबेला बजारमा चर्चित मोडल अञ्जली अधिकारीको जताततै चर्चा छ । उनी सफल मोडल त हुन् नै अब नायिका पनि बन्ने प्रयासमा छिन् । यतिबेला उनी चलचित्र प्रेमगीत ३ मा नायिकाको लागि अडिसन दिइरहेकी छिन् ।
उनले आफ्नो अडिसन निकै राम्रोसँग भएको पनि बताइन् । अहिले सामाजिक सञ्जालमा उनले अडिसन दिएको भिडियो निकै भाइरल भैरहेको छ । अडिसन दिने ठाउँ निकै सजाइएको थियो ।
त्यस्तै अञ्जलीले भित्र गएर डान्स गरिन् भने डाइलग पनि बोलेर सुनाइन् । अञ्जलीले एकछिन गीत बन्ने महशुस गर्न पाउँदा निकै नै आनन्द आएको बताइन् । उनले आफूले आफ्नो तर्फबाट बेस्ट दिएको र रिजल्टको प्रतिक्षामा रहेको बताएकी छिन् ।
