२५ जेठ २०७६, काठमाडौ
सम्भावित पेट्रोलियम खानीको विस्तृत अन्वेषण गर्न नेपाल आउने भनिएका चिनियाँ टोली प्राविधिक कारणले मात्र ढिलाइ हुन पुगेको खानी तथा भू–गर्भ विभागले स्पष्ट पारेको छ ।
यसअघि मे महिनामै अन्वेषणको काम थाल्ने तयारी भएकोमा चीनबाट विज्ञसहितको ठूलो टोली आउने भएकाले समय केही पर धकेलिएको विभागका उपमहानिर्देशक सुधिर रजौरेले जानकारी दिए ।
चीनबाट पहिलेभन्दा अलि ठूलै विज्ञ टोली आउने कुरा जानकारीमा आएको छ, उनले भने, ‘त्यसैले समय केही थोरै पर सरेको मात्र हो । ठूलो टोली आउँदा तयारी पनि धेरै लाग्ने र त्यहाँ अनुमति लिनुपर्ने प्रक्रियाले केही ढिला हुन पुगेको उनले बताए । यो समाचार आजको गोरखापत्रमा छ ।
