२७ जेठ २०७६, काठमाडौं
इंग्ल्याण्डमा जारी १२ औं संस्करणको आइसीसी ओडिआई विश्वकपमा हिजो भएको खेलमा भारतले अष्ट्रेलियालाई पराजित गरेको अर्को दिन युवराज सिंहले अन्तर्राष्ट्रिय क्रिकेटबाट सन्यास घोषणा गरेका छन् ।
८ वर्षअघि घरेलु भारतले आयोजना गरेको विश्वकप जित्दा युवराज म्यान अफ दि टुर्नामेन्ट घोषित भएका थिए । भारतलाई सन् २०११ को ओडिआई विश्वकप जिताउन समेत सिंहले अलराउण्ड प्रदर्शन गरेका थिए ।
सन् २००७ को टी २० विश्वकपमा जिताउन समेत महत्वपूर्ण भूमिका खेलेका निभाएका युवाराज सिंहले भारतका लागि ४० टेष्ट, ३०४ ओडिआई र ५८ टी–२० आई खेलेका छन्।
युवराजले टेष्टमा ३ र ओडिआईमा १४ शतक प्रहार गरेका छन् ।
