२८ जेठ २०७६, काठमाडौँ
चलचित्र नाई नभन्नु ल ५ बाट नेपाली रजतपटमा भित्रिएकी बाल कलाकार सेड्रिना शर्मा करिब ४ महिना अघि आफ्नो अध्ययन पुरा गर्नको लागि भारत गएकी थिइन् । अहिले आफ्नो छुट्टीमा सेड्रिना नेपाल आएकी थिइन् ।
सेड्रिना नेपाल आएदेखि जताततै उनकै मात्र चर्चा भैरहेको छ । उनी निरन्तर अन्तवार्ता दिनमा व्यस्त पनि छिन् । सेड्रिनालाई पहिलो चलचित्रबाट नै दर्शकले अत्याधिक मन पराएका थिए । त्यसैले पनि उनको बारेमा सबै जानकार रहन चाहन्छन् ।
सेड्रिनाले आफू भविष्यमा मिस नेपालमा भाग लिने बताएकी छिन् । उनको यो कुराले दर्शकलाई निकै उत्साहित बनाएको छ । सेड्रिना निकै राम्री पनि छिन् र ट्यालेन्ट पनि । त्यसैले उनले मेहेनत गरेको खण्डमा भविष्यमा उनी मिस नेपाल बन्न सक्ने अनुमान धेरैले लगाएका छन् । उनले आफू फिल्मी यात्रालाई पनि निरन्तरता दिइरहने बताएकी छिन् ।
