रोनाल्डो र नेइमारलाई पछि पार्दै मेसी बने सवैभन्दा धेरै कमाई गर्ने खेलाडी

२९ जेठ २०७६, काठमाडौँ

फोर्ब्स म्यागजिनले जारी गरेको सय धेरै कमाउने खेलाडीको सूचीमा लियोनल मेसीले क्रिस्टियानो रोनाल्डो र नेइमारलाई पछि पार्दै विश्वको धेरै कमाई गर्ने खेलाडीमा आफूलाई उभ्याएका छन् ।

मेसीले पछिल्लो १२ महिनामा १२७ मिलियन डलर कमाई गरेका छन् भने रोनाल्डोले १०९ मिलियन डलर र नेइमारले १०५ मिलियन डलर कमाई गरेका फोर्ब्स म्यागजिनले जनाएको छ ।

गत जुनदेखि यस जुन महिनासम्मको तलब, पुरस्कार रकम र बिभिन्न ब्राण्ड प्रचारबाट भएको कमाईको आधारमा फोर्ब्सले सय धेरै कमाउने खेलाडीको सूची तयार पारेको हो ।