२९ जेठ २०७६, काठमाडौँ
युरोकप छनौट अन्तर्गत फ्रान्सले एन्डोरालाई ४–० को भारी अन्तरले पराजित गर्दा फ्रान्सका स्ट्राईकर केलियन एम्बाप्पले आफ्नो क्यारियरको सयौं गोल समेत पुरा गरेका छन् ।
एम्बप्पेले १८० खेल खेल्दै सय गोल पुरा गरेका हुन् । उनले क्लबका लागि ८७ गोल गरेका छन् भने राष्ट्रिय टिमका लागि १३ गोल गरेका छन् ।
गएराती सम्पन्न खेलमा किलियन एम्बाप्पे, बेन एडडर, फ्लोरियन थाउभीन र कर्ट जोउमाले एक एक गोल गरी फ्रान्सलाई फराकिलो अन्तरले जित दिलाएका थिए ।
यसअघि टर्कीसँग अप्रत्याशित हार बेहोरेको फ्रान्स समुह एचका चार खेल पछि फ्रान्स ९ अंकसहित शिर्ष स्थानमा छ भने टर्की र आइसल्याण्ड पनि ९/९ अंकसहित नै दोस्रो र तेस्रो स्थानमा रहेका छन् ।
