अहिले के गर्दैछिन् त जसिता ? अब फिल्म नखेल्ने !

३० जेठ २०७६, काठमाडौँ

नायिका जसिता गुरुङ चलचित्र लिलिबिली बाट नेपाली रजतपटमा भित्रिएकी हुन् । पहिलो चलचित्रबाट नै उनले दर्शकको असाध्यै माया पाउन सफल भइन् । लिलिबिली पछि जसिताको लब स्टेशन प्रदर्शनमा आएको थियो । लब स्टेशन मा दर्शकले जसिताको कामलाई निकै मन पराए ।

त्यतिमात्र नभएर प्रदिप र जसिताको जोडीको पनि खुबै तारिफ भयो । प्रदिप र जसिता मिल्ने  साथी हुन् । तर दर्शक उनीहरुलाई रियल कपल भएको देख्न चाहन्छन् । चलचित्र लब स्टेशन को प्रदर्शनपछि जसिता यूके फर्किएकी थिइन् । अहिले उनी यूकेमा नै छिन् । उनले रेनशाको आई एम ट्वान्टी वान मा पनि काम गर्ने हल्ला चलेको थियो । तर त्यो कुराको टुङ्गो भने लागिसकेको छैन ।

जसिताको फ्यानहरु उनलाई पर्खिरहेका छन् । सबैलाई जसिताको आगामी प्रोजेक्ट कुन होला भनेर उत्सुकता भैरहेको छ । अब उनी कुन चलचित्र मार्फत पर्दामा आउलिन् त्यो हेर्न भने केहीसमय कुर्नैपर्छ ।