३१ जेठ २०७६, काठमाडौँ
सन्नी लियोनी बलिउडकी नाम चलेकी नायिका हुन् । पूर्व पोर्नस्टार समेत रहेकी सन्नी धेरैजसो आइटम गीतमा व्यस्त हुन्छिन् । उनले बलिउड गीतमा मात्र नभएर नेपाली गीतमा पनि नाचेकी छिन् । उनले पहिलो पटक नेपाली गीतमा नाचेको गीत भर्खरै सार्वजनिक भएको छ ।
उनले चलचित्र पासवर्ड को गीतमा ठुम्का लगाएकी छिन् । यो गीत केहीसमय अघि नै रिलिज गर्ने भनिएको थियो । तर केही कारणबस यो गीत हिजोमात्र सार्वजनिक भएको छ । विक्रम जोशीको शब्द र अर्जुन पोखरेलको संगीत रहेको आजको साम बोलको गीतमा सन्नीले ठुम्का लगाएकी छिन् । आइटम शैलीको गीतलाई विष्णु देवाले कोरियोग्राफी गरेका हुन् ।
यो गीत निकै ठूलो बजेटमा तयार भएको हो । यस्तै यो गीतको लागि सन्नीले पनि निकै महंगो पारिश्रमिक लिएको खुलासा भएको हो । गीतमा सन्नीसँगै चलचित्रका मुख्य कलाकार अनुप विक्रम शाहीलाई पनि देख्न सकिन्छ ।
