‘म ‘प्रेमगीत ३’ की नायिका भए भने प्रदिपलाई २ महिना डान्स सिकाउँछु’ : अलिशा शर्मा

३१ जेठ २०७६, काठमाडौँ

अलिशा शर्मा पछिल्लो समयकी निकै चर्चित र व्यस्त मोडल हुन् । उनले धेरै सफल म्यूजिक भिडियोमा काम गरिसकेकी छिन् । उनले केहीदिन अघि चलचित्र प्रेमगीत ३ मा नायिकाको लागि अडिसन दिएकी पनि थिइन् ।

त्यतिबेला अलिशाले प्रदिपसँग आफ्नो जोडी पर्दामा सुहाउने बताएकी थिइन् । जुन कुरा निकै भाइरल भएको थियो । अलिशाले आफू प्रेमगीत ३ की नायिका बनेमा प्रदिपलाई डान्स पनि सिकाउने बताएकी छिन् । अलिशा नाच्नमा निकै पोख्त छिन् ।

त्यसैले उनले सायद त्यसो भनेकी हुन् । उनले प्रदिपलाई २ महिना डान्स सिकाउने बताएकी छिन् । उनले त्यसको लागि समय भने प्रदिपले तोक्नुपर्ने पनि बताएकी छिन् । अलिशाले आफूले अहिलेसम्म हेरेको चलचित्रमध्ये सबैभन्दा मन परेको चलचित्र प्रेमगीत भएको पनि बताएकी छिन् ।