३२ जेठ २०७६, काठमाडौं
जारी विश्वकप क्रिकेटमा इङ्गल्याण्डले वेस्टइन्डिजमाथि सहज जित निकालेको छ । इङ्गल्याण्डले वेस्टइन्डिजलाई ८ विकेटले पराजित गरेको हो ।
टस हारेर पहिला ब्याटिंग गरेको वेस्टइन्डिज ४४.४ ओभरमा अल आउट हुँदै २१२ रनमा सिमिति भएको थियो ।
जोय रुटको शतकीय पारीमा वेस्टइन्डिजले दिएको २१३ रनको लक्ष्य इङ्गल्याण्डले ३३.१ ओभरमा २ विकेट गुमाउदै पुरा गरेको थियो ।
रटले यसअघि पाकिस्तान विरुद्धको खेलमा १०७ रन बनाई पहिलो शतक पुरा गरेका थिए । जारी विश्वकपमा यो उनको दोस्रा शतक हो । दोस्रो शतक बनाउने क्रममा ९३ बलमा ११ चौका प्रहार गर्दै रुटले आफ्नो शतक पुरा गरेका थिए ।
जितसँगै ईङ्गल्याण्ड ४ खेलमा ३ जित र एक हारसहित ६ अंक बटुलेर अंक तालिकाको दोस्रो स्थानमा उक्लिएको छ ।
