पूजालाई छोडेर स्वस्तिमासँग रोमान्स गर्दै आकाश

३२ जेठ २०७६, काठमाडौँ

आकाश श्रेष्ठ र स्वस्तिमा खड्का दुवै नेपाली चलचित्र क्षेत्रका परिचित कलाकार हुन् । तर यी दुई चलचित्रमा मात्र नभएर म्यूजिक भिडियोमा पनि उत्तिकै व्यस्त हुने गर्छन् । आकाश र स्वस्तिमाले एकसाथ थुप्रै म्यूजिक भिडियोमा काम गरिसकेका छन् । यी दुईको नयाँ म्यूजिक भिडियो भर्खरै सार्वजनिक भएको छ ।

सुरज शाही ठकुरीको शब्द र संगीत रहेको महशुस बोलको गीतमा विक्रम धमला र आकांक्षा बस्यालको आवाज रहेको छ । गीतमा स्वस्तिमा र आकाश फिचर्ड छन् । रोमान्टिक शैलीको गीतमा आकाश र स्वस्तिमाको निकै मिलेको केमेष्ट्रि देखिएको छ ।