०१ असार २०७६, काठमाडौँ
चलचित्र प्रेमगीत ३ का लागि सम्पूर्ण मेल कलाकारहरु फाइनल भएका छन् । चलचित्रका लागि नायिका पनि चाडैँ नै फाइनल हुने निर्माण टिमले बताएको छ । यस्तै धेरै समयदेखि चलचित्र प्रेमगीत ३ मा प्रदिपको बाबुको भूमिकामा महानायक राजेश हमाल रहने चर्चा चलिरहेको थियो ।
अन्ततः चलचित्र प्रेमगीत ३ मा राजेश हमाल फाइनल भएका छन् । उनले चलचित्रमा प्रदिपका पिताको भूमिका निर्वाह गर्दैछन् । राजेश हमाल लामो समयपछि यो चलचित्र मार्फत काचँको पर्दामा फर्कन लागेका हुन् । राजेश हमालले यो चलचित्रको लागि आफू उत्साहित भएको पनि बताएका छन् ।
चलचित्र प्रेमगीत ३ को छायांकन दशैँपछि सुरु हुने बताइएको छ । चलचित्रले आफ्नो रिलिज डेट भने सार्वजनिक गरिसकेको छ । चलचित्र प्रेमगीत ३ आउँदो चैत्र २८ बाट देशव्यापी रुपमा प्रदर्शनमा आउने भएको छ ।
