जारी विश्वकपमा पहिलो बलमा विकेट लिने पहिलो खेलाडी बने विजय शंकर

०२ असार २०७६, काठमाडौं

इङ्गल्याण्डमा जारी विश्वकप क्रिकेटमा पहिलो बलमा विकेट लिने पहिलो खेलाडी बनेका छन् भारतीय अल अलराउन्डर विजय शंकर । उनले आफ्नो डेब्यू खेलमै यस्तो चमत्कार देखाएका हुन् ।

विश्वकपमा पहिलो बलमा विकेट लिनेमा भने उनी तेस्रो खेलाडी बनेका हुन् । यस अघि २००७ को विश्वकपमा बरमुडाका मलाची जोसले यस्तो रकर्ड बनाएका हुन । उनको पहिलो बलमा भारतीय ओपनर रोबिन उथप्पा आउट भएका थिए । सन् २००३ मा अस्ट्रेलियाका इयान हार्वेले पाकिस्तानका ओपनर सलीम इलाहीलाई पहिलो बलमा आउट गर्दै पहिलो बलमा विकेट लिने इतिहास रचेका थिए ।

गएराती सम्पन्न खेलमा भारतीय बलर भुवनेश्वर कुमार घाईते भएपछि उनको सब्टिच्यूटमा आएका विजयले जारी विश्वकपमा यस्तो इतिहास रचेका हुन् ।

भुवनेश्वरको बाँकी २ बल बलिङ गर्न आएका विजयले पाकिस्तानका ब्याट्सम्यान इमाम उल हकलाई एलबि डब्लु आउट गर्दै यस्तो रेकर्ड बनाएका हुन् ।