साम्राज्ञीलाई फेरि बच्चा बन्ने रहर, सामाजिक सञ्जालमा सेयर गरिन् सानो बेलाको तस्बिर

०५ असार २०७६, काठमाडौँ

साम्राज्ञी राज्यलक्ष्मी शाह पछिल्लो समयकी सबैभन्दा चर्चित र व्यस्त नायिका हुन् । चलचित्र ड्रिम्स बाट उनले आफ्नो अभिनय यात्रा सुरु गरेकी थिइन् । पहिलो चलचित्रबाट नै साम्राज्ञीले दर्शकको निकै माया पाइन् । उनको कामबाट पनि दर्शक निकै सन्तुष्ट छिन् ।

यस्तै साम्राज्ञी सामाजिक सञ्जालमा निकै सक्रिय रहने नायिकामा पर्छिन् । उनले आफ्ना हरेक गतिविधीको जानकारी सामाजिक सञ्जालमार्फत दिइरहेकी हुन्छिन् । यस्तै अहिले सामाजिक सञ्जालमा साम्राज्ञीको एक तस्बिर निकै भाइरल छ । साम्राज्ञीले आफ्नो सानो बेलाको तस्बिर सेयर गर्दै आफूलाई बच्चादेखि नै मोडल बन्न रहर भएको कुरा बताएकी छिन् ।

साम्राज्ञीले सानोको फोटो सेयर गरिरहँदा धेरैले उनलाई फेरि बच्चा बन्न रहर लागेको कुरा गरेका छन् । साम्राज्ञीले पनि यो कुरा आफ्ना तस्बिरमार्फत देखाएकी छिन् । उनी यतिबेला चलचित्र रातो टिका निधारमा को छायांकनमा व्यस्त छिन् ।