पूजालाई भयो बिहे गर्ने रहर, बिहे पछि चलचित्र नखेल्ने

०५ असार २०७६, काठमाडौँ

पूजा शर्मा नेपाली चलचित्र जगतकी नाम चलेकी अभिनेत्री हुन् । अहिले बजारमा उनको डिमाण्ड निकै छ । उनी एकपछि अर्को चलचित्रमा लगातार व्यस्त भैरहेकी छिन् । उनी पनि चर्चा र विवादमा आइरहने नायिकाको सूचीमा पर्छिन् ।

अहिले पूजाको बेहुली बनेको तस्बिरले सामाजिक सञ्जालमा चर्चा पाइरहेको छ । उनले आफूलाई विवाह गर्न रहर लागेको बताएकी छिन् । हुन त अहिले धेरै नायिकाले यो धारणा व्यक्त गरिरहेका छन् । केहीसमय अघि नायिका बर्षा सिवाकोटीले आफूलाई बेहुली बन्न रहर लागेको कुरा बताएकी थिइन् भने निताले पनि अब छिट्टै विवाह गर्ने कुरा बताएकी छिन् ।

यस्तै पूजाले केहीसमय अघि विवाहपछि आफू चलचित्र क्षेत्रबाट टाढा रहने समते बताएकी थिइन् । उनले विवाहपछि आफ्नो पुरा समय परिवारलाई दिने पनि बताएकी थिइन् । पूजाले बेहुली बनेको तस्बिर सामाजिक सञ्जालमा सेयर गरेकी छिन् । उनलाई मगंलसुत्रले निकै सुहाएको छ । उक्त तस्बिर उनले पोई पर्यो काले को सेटमा खिचेकी हुन् ।