‘प्रचण्ड’ की नातिनी स्मितासँग यस्तो अदभूत कला, सबै भए चकित

०५ असार २०७६, काठमाडौँ

स्मिता दाहाल सांगीतिक क्षेत्रमा परिचित नाम हो । अझ भन्नुपर्दा उनी पुष्पकमल  दाहाल (प्रचण्ड) को नातिनी पनि हुन् । उनको परिवार राजनीति क्षेत्रको रहेको छ । तर उनलाई सानैदेखि संगीतप्रति लगाव छ ।

निकै मिठो स्वरकी धनी स्मिता दाहालले केही गीतहरु गाएकी पनि छिन् । पछिल्लो समयमा चर्चामा रहेको मलाई आमाले दिएको बोलको गीत पनि उनले नै गाएकी हुन् । आफ्नो परिवार जुन क्षेत्रमा रहेका हुन्छन् अक्सर सन्तान पनि त्यहि क्षेत्रमा लागेका हुन्छन् । तर स्मिता भने गायन क्षेत्रमा छिन् । उनलाई यस क्षेत्रमा स्थापित गर्नको लागि उनको परिवारले पनि भरपुर साथ दिएको छ ।

स्मिताले आफ्नो परिवार कुन क्षेत्रमा छ भन्ने कुराको जानकारी नहुँदा देखि नै आफूले गीत गाउन थालेको बताइन् । उनले यो क्षेत्रमा निरन्तर काम गरिरहने बताएकी छिन् ।