‘टिकटक’ क्वीन रेश्मा घिमिरेको नयाँ गीत रिलिज

०६ असार २०७६, काठमाडौँ

टिकटक आजभोली सबैले प्रयोग गर्ने रमाइलो सामाजिक सञ्जालको माध्यम हो । टिकटक बाट नै धेरैजना सेलिब्रेटि बनिसकेका छन् । टिकटक बाट चर्चा कमाउनेमध्ये एक रेश्मा घिमिरे पनि हुन् । रेश्मा टिकटक को एक्टिभ युजर हुन् । उनलाई टिकटक मा लगभग ९ लाखले पछ्याउने गरेका छन् ।

रेश्माले टिकटक बाट नै सर्वाधिक फ्यान कमाउन सफल भएकी छिन् । उनले हरेक खालका भिडियो बनाउने गरेकी छिन् । उनले एक चलचित्र र केही म्यूजिक भिडियोमा काम गरिसकेकी छिन् । भर्खरै मात्र उनको नयाँ गीत सार्वजनिक भएको छ ।

दिपक शर्माको शब्द र संगीत रहेको माया घटेन बोलको गीतमा देविका बन्दनाको आवाज रहेको छ । उक्त गीतमा रेश्मा घिमिरे फिचर्ड छिन् । निकै रमाइलो शैलीको गीतलाई सन्तोष राजबहाकले कोरियोग्राफी गरेका हुन् ।