०६ असार २०७६, काठमाडौं
ग्लोबल टी–२० क्यानडा प्रिमियर लिगमा लेग स्पिनर सन्दीप लामिछाने र तिब्र गतिका बलर सोमपाल कामीले खेल्ने भएका छन् । टोरन्टो नेशनल टिमले सन्दीपलाई ६० हजार अमेरिकी डलरमा अनुबन्धित गरेको हो भने विनिपेग हक्सले सोमपाललाई न्युनतम तीन हजार अमेरिकी डलरमा अनुबन्ध गरेको हो ।
ग्तबर्ष मोन्ट्रेल टाइगर्सबाट ग्लोबल टी–२० क्यानडा प्रिमियर लिग खेलेका सन्दीपको टोलीमा यसपाली भारतका चर्चित क्रिकेटर युवराज सिंह लगायतका खेलाडी रहेका छन् ।
गतबर्ष सन्दीपलाई टाइगर्सले ४० हजार अमेरिकी डलरमा किनेको थियो । सोमपालले भने पहिलो पटक ग्लोबल टी–२० क्यानडा प्रिमियर लिगमा सहभागी जनाउन लागेका हुन् ।
आगामी जुलाई २५ देखि अगष्ट ११ तारिखसम्म ग्लोबल टी–२० क्यानडा प्रिमियर लिग सञ्चालन हुनेछ ।
