०६ असार २०७६, काठमाडौं
ब्राजिलमा जारी कोपा अमेरिका समुह सी अन्तर्गत उरुग्वे र जापान बराबरीमा रोकिएका छन् । शुक्रबार बिहान भएको खेलमा उरुग्वे र जापानले २–२ गोलको बराबरी खेल्दै एक एक अंक बाडेका हुन् ।
खेलको ७३ औं मिनेटमा जापानी टिमले गरेको गोललाई रेफ्रिले मान्यता नदिएपछि जापानले उरुग्वेमाथिको गोल अग्रता गुमाएको थियो । जापानका लागि दुवै गोल गोल कोजी मियोशीले गरेका थिए भने उरुग्वेका लागि लुईस स्वारेज र जोसे गिमेनेजले गोल गरेका थिए ।
कोपा अमेरिकाको समूह सी उरुग्वे शिर्ष स्थानमा पुगेको छ । उरुग्वेले दुई खेलमा एक जित र एक बराबरी गरी ४ अंक बटुलेको छ भने जापानले एक हार र एक बराबरी गरी १ अंक पाएको छ ।
भोली शनिबार कोपा अमेरिका अन्तर्गत चिली र इक्वेडरबिच खेल हुँदैछ ।
