०७ असार २०७६, काठमाडौँ
अनमोल केसी अहिले रेष्टमा छन् । उनले चलचित्र ए मेरो हजुर ३ को प्रदर्शनको समयमा नै अब आफूले ६ महिना रेष्ट लिने सोच बनाएको बताएका थिए । गतबर्ष अनमोलको दुई चलचित्र प्रदर्शनमा आएका थिए क्याप्टेन र ए मेरो हजुर ३ ।
ए मेरो हजुर ३ ले बल्कबस्टर व्यापार गर्दा क्याप्टेन ले भने सोचेको जस्तो व्यापार गर्न सकेन । अनमोलले लगातार दुई चलचित्रमा समय दिदाँ आफू निकै थाकेको भएकाले केही समय रेष्ट गर्ने बताउँदै गर्दा कताकता उनी आफ्नो होम प्रोडक्सनको चलचित्रमा व्यस्त हुने हल्ला पनि चलेको थियो । तर अनमोलका पिता भुवन केसी अहिले चलचित्र मिस्टर नेपाली मा व्यस्त छन् ।
सायद यो बर्ष दर्शकले अनमोलको कुनैपनि चलचित्र प्रदर्शनमा आउने छैन । उनको क्रेज निकै रहेकाले दर्शक उनको चलचित्र नआउँदा पक्कै पनि निराश हुनेछन् । तर अनमोल अर्को बर्ष सायद राम्रो प्रोेजेक्ट लिएर दर्शकमाझ आउँछन् भन्ने आश धेरैको रहेको छ ।
