०७ असार २०७६, काठमाडौं
ब्राजिलमा जारी कोपा अमेरिका अन्तर्गत चिलीले इक्वेडरलाई २–१ गोल अन्तरले पराजित गर्दै नकआउट चरणमा प्रवेश गरेको छ ।
शनिबार सम्पन्न खेलमा चिलीका पेड्रो फुएनजालिडाले खेलको सुरुवाती आठौं मिनेटमा नै अग्रता दिलाएका थिए । तर खेलको २६ औं मिनेटमा इक्वेडरले पाएको पेनाल्टीलाई इन्नर भलेन्सियाले गोल गर्दै खेल बराबरी गरेका थिए ।
पहिलो हाफ बराबरी खेलेको चिलीले दोस्रो हाफको ५१ औं मिनेटमा एलेक्सिस सान्चेजको गोल मार्फत अग्रता लिएको थियो । सो अग्रतालाई कायम राख्दै चिलीले ईक्वेडरमाथि जित निकालेको हो । चिलीको जितमा सान्चेजको गोल नै निर्णायक सावित भयो ।
जितसँगै समूह सी मा ६ अंकसहित शिर्ष स्थानमा रहेको चिलीले नकआउट चरणको आफ्नो यात्रा सुनिश्चित गरेको छ । जारी कोपा अमेरिकामा चिलीले यात्रा जारी राखेको छ ।
