०७ असार २०७६, काठमाडौँ
प्र्रकाश सपूत गलबन्दी गीत हिट भएपछि निकै चर्चामा आएका थिए । तर चर्चाको शिखरमा पुगेको केही दिनमै उनी विवादमा मुछिन पुगे । उनको गलबन्दी गीतलाई चोरीको आरोप लाग्यो । शम्भू राईको पुरानो देउसी गीतसँग उनको गीतको भाका मिलेपछि शम्भूले उनलाई मुद्दा हाल्ने कुरा समेत गरेका थिए ।
एउटा समस्या टर्न नपाउँदै प्रकाशलाई अर्को समस्या आइपरेको छ । प्रकाशको अर्को गीतलाई पनि चोरीको आरोप लागेको छ । उनले दोहोरी ब्याटल निकालेका थिए । जसबाट उनले दर्शकको सर्वाधिक माया पाएका थिए । तर गीत रिलिज भएको २ बर्ष जति भैसकेपछि अहिले उनको गीतमा विवाद आएको छ ।
स्वर सम्राट नारायण गोपालको पुरानो बहिनीको दया छ बोलको गीतसँग प्रकाशको दोहोरी ब्याटल मिलेको चर्चा चल्न थालेको छ । यसबारे प्रकाशले केही बोलेका छैनन् । तर केही दर्शक भने भड्किएका छन् । उनलाई धेरै माया गर्ने दर्शकले पनि अहिले उनको विरुद्धमा आवाज उठाइरहेका छन् । यो कुराले प्रकाशको स्टारडममा भने पक्कै पनि फरक पर्न गएको छ ।
