‘आफूलाई गुगलमा सर्च गर्दा चुसेको आँप देखिन्छ भन्ने डरले गुगल सर्च गर्दिन’ : आयुष्मान जोशी

०८ असार २०७६, काठमाडौँ

आयुष्मान देशराज जोशी यतिबेला चलचित्र सानो मन को प्रमोशनमा व्यस्त छन् । चलचित्र सानो मन आउँदो असार २० बाट देशव्यापी रुपमा प्रदर्शनमा आउने भएको छ । यसैबीच आयुष्मानले आफ्ना केही कुराहरु मिडियामा सेयर गरेका छन् ।

आयुष्मानलाई फिल्म क्षेत्रमा आएदेखि नै चुसेको आँप भन्ने उपनाम दिइएको छ । यहि नामले उनको धेरै ट्रोलहरु पनि बन्ने गरेका छन् । आयुष्मानले यो कुराले सुरुवाती दिनमा आफूलाई निकै नराम्रो महशुस हुने गरेको तर अहिले यो कुराले आफूलाई केही फरक नपर्ने बताउँछन् । उनले यो कुरालाई आफूले सामान्य रुपमा नै लिएको बताएका छन् ।

आयुष्मानले अहिलेसम्म आफूलाई गुगलमा सर्च नगरेको बताएका छन् । उनले आफूलाई गुगलमा सर्च गर्दा पनि चुसेको आँप देखाउने डरले गुगल सर्च नगर्ने गरेको बताएका छन् ।