११ असार २०७६, काठमाडौँ
बैशाख २० बाट देशव्यापी रुपमा प्रदर्शनमा आएको चलचित्र दाल, भात, तरकारी ले आफ्नो प्रदर्शनको ५१ औँ दिन पुरा गरेको छ । यो चलचित्रले राजधानीका केही सिंगल थिएटरमा ५१ औँ दिन मनाउन सफल भएको हो । यसै उपलक्ष्यमा चलचित्र दाल, भात, तरकारी टिमले एक कार्यक्रमको आयोजना गरेर चलचित्रका कलाकार र सम्पूर्ण सदस्यलाई प्रमाणपत्र हस्तान्तरण गरेको छ ।
यस्तै नायिका आँचल शर्माले सबैभन्दा महंगो उपहार पाएकी छिन् । दाल, भात, तरकारी को सफल प्रदर्शन भएका कारण उनलाई चलचित्र टिमले आइफोन को लेटेस्ट भर्जन वितरण गरेको छ । आँचलले चलचित्रले ५१ औँ दिन मनाएको खण्डमा आफूलाई आइफोन चाहिने बताएकाले उनलाई आइफोन दिएको हरिवंश आचार्यले बताए ।
आँचल पनि आइफोन पाएर मख्ख परेकी थिइन् । यस्तै उक्त कार्यक्रममा प्रमाणपत्र लिन नायिका बर्षा राउत पनि उपस्थित भएकी थिइन् । एकसाथ भेटिदाँ आँचल र बर्षा एकअर्कासँग निकै खुलेका थिए ।
