‘प्रेमगीत ३’ मा अनुभव रेग्मी सानो प्रदिप अर्थात ‘प्रेम’ को भूमिकामा देखिदैँ

११ असार २०७६, काठमाडौँ

चलचित्र प्रेमगीत ३ को चर्चा यतिबेला जताततै छ । चलचित्रका लागि नायिका बाहेक सबै कलाकार अनुबन्धित भैसकेका छन् । नायिका पनि केही दिनमै फाइनल हुने निर्माण टिमले जानकारी दिएको छ । यस्तै चलचित्रमा निकै लोकप्रिय बाल कलाकार अनुभव रेग्मीको पनि आगमन भएको छ ।

उनी मंगलबार चलचित्रका लागि छनौट भएका हुन् । अनुभव चलचित्रमा सानो प्रदिप अर्थात सानो प्रेमको भूमिकामा देखिने भएका छन् । उनको रोल छोटो तर रमाइलो भएको निर्माण टिमले बताएका छन् । चलचित्रमा प्रदिपको पिताको भूमिका अभिनेता शिव श्रेष्ठले निभाउँदैछन् । प्रेमगीत ३ चैत्र २८ बाट देशव्यापी रुपमा प्रदर्शनमा आउने बताइएको छ ।