११ असार २०७६, काठमाडौं
जारी आइसीसी एकदीवसीय विश्वकप क्रिकेटमा इङ्गल्याण्डलाई ६४ रनले पराजित गर्दै अष्ट्रेलिया सेमिफाइनलमा प्रवेश गरेको छ ।
टस हारेर पहिले ब्याटिङ्ग गरेको अष्ट्रेलियाले कुल ५० ओभरमा ७ विकेट गुमाउदै २८५ रन बनाएको थियो । जवाफमा इङ्गल्याण्डले ४४.४ ओभरमा सवै विकेट गुमाई २२१ बनाएपछि अस्ट्रेलिया ६४ रनले विजयी भएको हो ।
यो जितसँगै अस्ट्रेलिया जारी विश्वकपको सेमिफाइनलमा पुग्ने पहिलो टिम बनेको छ । ७ खेलमा ६ जित र एक हारसहित १२ अंक बटुल्दै अस्ट्रेलिया सेमिफाइनलमा पुगेको हो ।
